Англија | Брендан Роџерс вчера доби признание за импресивната сезона на Ливерпул, предводникот на ’Црвените’ е прогласен за Менаџер на Годината...



Тимот од Енфилд беше кандидат за титулата, и покрај тоа што на стартот од сезоната речиси никој не очекуваше дека ’Црвените’ ќе се борат за првото место на табелата.
 
Ливерпул на крајот сепак заврши на втората позиција, највисок пласман во последните пет години, па и ваквиот успех беше доволен за Брандан Роџерс да добие признание од своите колеги.
 
На вчерашната церемонија, во изборот на менаџерите од првите четири професионални лиги во Англија, 41 годишниот стратег беше прогласен за Менаџер на Годината.
 
На истата церемонија, менаџерот на Кристал Палас, Тони Пулис беше именуван за најдобар менаџер во Премиер лигата.
 
Тој е награден за одличната работа завршена на Селхрст Парк, стратегот ги предоводеше ’Орлите’ до комфорното 11. место на табелата и опстанок во Премиер лигата.
 
Кога Тони Пулис го превзеде кормилото на клубот во ноември минатата година, Кристал Палас имаше само 4 бода, а сезоната ја завршија со дури 45 бодови.

Извор: 24FUDBAL.com.mk