МЕНИ

Англија | Дефанзивецот Рио Фердинанд летоска ќе замине од Олд Трафорд по 12 години поминати во дресот на ’Црвените Ѓаволи’...

35 годишниот Англичанец неодамна истакна дека посакува да остане во Манчестер Јунајтед, но лидерите на клубот имаа други планови и не му понудија нов договор.

Па затоа искусниот дефанзивец вчера соопшти дека завршува неговата авантура на Олд Трафорд.

„Долго и напорно размислував за мојата иднина во последните неколку месеци, и по 12 фантастични години во овој клуб, кој според мене е најдобар во светот, одлучив дека е право време да заминам” – рече Фердинанд.

„Околностите не ми дозволија да се опростам на начинот на кој посакував, па ќе ја искористам оваа прилка да им се заблагодарам на моите соиграчи, персоналот, клубот и фановите за неверојатните 12 години кои никогаш нема да ги заборавам”.

„Во овој голем клуб ми се остварија соновите за oсвојување на трофеи кои ги имав како дете”.

„Се чувствувам здрав и фит, подготвен сум за нов предизвик и со нетрпение ја чекам следната авантура”.

Рио Фердинанд забележа 455 настапи во дресот на ’Црвените Ѓаволи’ и освои шест титули во Премиер Лигата, еден трофеј од Лигата на Шампионите и Светското Клупско Првенство, два во Лига Купот и пет трофеи во Комјунити Шилд.