Англија | Со победата над Вест Хем, Манчестер Сити ја освои титулата во Премиер лигата, пиров беше триумфот на Ливерпул против Њукасл...



На Сити му беше доволен и само бод од дуелот со Вест Хем, но Граѓаните дојдоа до рутинирана победа од 2-0 и ја донесоа титулата во синиот дел од Манчестер.

Ливерпул може да жали што не успеа да го прекине предолгиот пост и конечно да ја освои титулата, Црвените беа во пол позиција, но резултатите против Челзи и Кристал Палас ги чинеа губење на битката за трофејот.

Сепак ова беше одлична сезона за Ливерпул, на која никој не се надеваше на почетокот на кампањата.

Ливерпул синоќа со пресврт во второто полувреме дојде до победа против Њукасл од 2-1, на ист начин, со ист резултат славеше и Челзи на гостувањето кај Кардиф.

Арсенал со 2-0 го победи Норич на негов терен, Тотенхем со убедливи 3-0 славеше над Астон Вила, Манчестер Јунајтед одигра 1-1 на гостувањето кај Саутемптон.

Извор: 24FUDBAL.com.mk