Англија | Според El Mundo Deportivo, Давид Луиз наскоро од Челзи ќе направи трансфер во Барселона откако добил зелено светло од Жозе Мурињо...



Чести се шпекулациите кои го поврзуваат Давид Луиз со трансфер во Барселона, El Mundo Deportivo верува дека тоа наскоро ќе се случи.

Каталонскиот весник очекува Тер Штеген и Давид Луиз во наредните неколку недели да стават потпис на договори со Барселона.

Барса и претходно се обидуваше да го ангажира Давид Луиз, но Жозе Мурињо сакаше Бразилецот да остане на Стемфорд Бриџ.

Сега, весникот пишува дека Мурињо дал зелено светло за овој трансфер, откако се поретко сметаше на Луиз за централната дефанзивна позиција.

Давид Луиз беше прекомандуван во средниот ред, а Кејхил и Тери формираа одличен тандем на централните позиции во дефанзивата.

Па според медиумите, Жозе Мурињо дал дозвола за трансфер на Давид Луиз сакајќи со негова продажба да го зголеми буџетот за нови засилувања во летниот преоден рок.

Извор: 24FUDBAL.com.mk