МЕНИ

Германија | Според денешното издание на Bild, Баерн Минхен пројавува интерес за услугите на талентираниот Хакан Чалханоглу од Хамбургер...

Реномираниот германски весник пренесува дека ’Баварците’ веќе стапиле во контакт со Хамбургер, и го известиле тимот од Имтех Арена дека го посакуваат Хакан Чалханоглу.

Офанзивниот фудбалер од средниот ред во јануари се поврзуваше со трансфер во Арсенал и Ливерпул, но подоцна ја продолжи верноста кон ХСВ до 2018.

И покрај тоа што неодамна стави потпис на нов договор, Хамбургер летоска би можел да го продаде репрезентативецот на Турција, со оглед на финансиските проблеми со кои се соочува клубот, и долгот од околу 100 милиони евра.

Извештајот вели дека понуда помеѓу 10 и 15 милиони евра ќе биде доволна за Хакан Чалханоглу да се пресели на Алианц Арена.

Bild исто така додава дека интересот на ’Баварците’ за Хакан Чалханоглу е нов показател дека Томас Милер би можел да замине од Минхен.

Репрезентативецот на Германија неодамна негираше дека планира да го напушти Баерн, но медиумите продолжуваат да пишуваат за интересот на неколку екипи од ’Островото’ за неговите услуги.

Покрај Манчестер Јунајтед, ситуацијата на Томас Милер внимателно ја следат и Арсенал и Ливерпул.