Англија | Медиумите од ’Островото’ пренесуваат дека ’Црвените’ испратиле понуда вредна 20 милиони фунти за фудбалерот од средниот ред на Саутемптон, Адам Лалана...
25 годишниот репрезентативец на Англија има одлична сезона во која постигна 9 погодоци и забележа 6 асистенции, па се најде во тимот на годината во Премиер лигата.
Неговите добри игри го привлекоа вниманието на топ екипите од ’Островото’, играчот е трансфер желба на Манчестер Јунајтед, Челзи и Ливерпул.
Последните извештаи говорат дека ’Црвените’ веќе го започнале наддавањето за Адам Лалана .
Денешното издание на The Sun вели дека тимот од Енфилд испратил понуда вредна 20 милиони фунти.
Ливерпул посакува што поскоро да ги комплетира преговорите, и да го ангажира Адам Лалана пред почетокот на мундијалот во Бразил на 12. јуни.
Извор: 24FUDBAL.com.mk
