СП 2014 | Селекторот на ’Панцирите’, Јоаким Лев објави список со 30 фудбалери на кои ќе смета за мундијалот во Бразил...



Во составот на ’Панцирите’ нема место за Марио Гомез, кој оваа сезона често се мачеше со повреди, па нападот ќе го предводи искусниот Мирослав Клосе, заедно со младиот Кевин Фоланд.
 
Голманот на Борусија Менхенгладба, Марк Андре Тер Штеген, кој е на чекор до трансфер во Барселон, исто така не доби повик.
 
Сами Кедира, кој поради повреда на коленото пропушти голем дел од сезоната, се најде на списокот, Јоаким Лев ќе му даде шанса на фудбалеот од средниот ред да го докаже својот фитнес.
 
По финалето од Купот на Германија и пријателскиот натпревар против Полска следната недела, Јоаким Лев ќе го скрати составот на 25 или 26 играчи, а на крајот од месецот ќе го именува конечниот список со 23. фудбалери.
 
Германија е во Групата Г, заедно со Португалија, САД и Гана.
 
Прелиминариот состав на Германија за СП 2014:
 
Голмани: Мануел Нојер (Баерн Минхен), Роман Вајданфелер (Борусија Дортмунд), Рон Роберт Цилер (Хановер);
 
Одбрана: Жером Боатенг (Баерн Минхен), Ерик Дурм (Борусија Дортмунд), Кевин Гроскројц (Борусија Дортмунд), Бенедикт Ховедес (Шалке), Матс Хумелс (Борусија Дортмунд), Марсел Јансен (Хамбургер), Филип Лам (Баерн Минхен), Пер Мертесакер (Арсенал), Шкодран Мустафи (Сампдорија), Марсел Шмелцер (Борусија Дортмунд);
 
Среден ред: Ларс Бендер (Баер Леверкузен), Јулиан Дракслер (Шалке), Матиас Гинтер (Фрајбург), Леон Горецка (Шалке), Марио Геце (Баерн Минхен), Андре Хан (Аугзбург), Сами Кедира (Реал Мадрид), Тони Крос (Баерн Минхен), Макс Мајер (Шалке), Томас Милер (Баерн Минхен), Месут Озил (Арсенал), Лукас Подолски (Арсенал), Марко Ројс (Борусија Дортмунд), Андре Шурле (Челзи), Бастијан Швајнштајгер (Баерн Минхен);
 
Напад: Мирослав Клосе (Лацио), Кевин Фолнад (Хофенхајм).

Извор: 24FUDBAL.com.mk