Англија | Агентот на Аднан Јанузај вели дека фудбалерот на Манчестер Јунајтед е најплатениот млад играч во светот, и заработува повеќе отколку Кристијано Роналдо и Лео Меси на негови години...
Талентираниот 19 годишен Аднан Јанузај, кој важи за еден од најперспективните играчи на ’Стариот Континент’, кон финишот на минатата година ја продолжи верноста кон ’Црвените Ѓаволи’ до 2018.
Детали од договорот не се откриваат, а според медиумите, неделната плата на играчот се движи помеѓу 30 000 и 50 000 фунти.
Во разговор со Sport/Voetbalmagazine, неговиот агент, Дирк Де Врисе вели дека Аднан Јанузај е најплатениот млад играч во светот, и заработува повеќе отколку Кристијано Роналдо и Лео Меси, кога тие имале 18 години.
Тој исто така додава дека непосредно пред да ја продолжат верноста кон Манчестер Јунајтед, на нивна адреса пристигнала многу богата понуда од ПСЖ.
„Пет минути пред Аднан да стави потпис на новиот договор со Манчестер Јунајтед, ПСЖ ни понуди неверојатен договор” – рече Врисе.
„Бидејќи Аднан беше слободен агент на крајот од сезоната, Катарците беа подготвени да понудат што било. Висока плата и голем бонус за потпис на договорот”.
„Тоа можеше да биде интересно од комерцијален аспект, но парите никогаш не беа одлучувачки фактор во неговиот избор”.
„Можам да кажам дека Аднан е најплатениот млад играч во светот. Заработува повеќе од Кристијано Роналдо и Лео Меси кога тие имаа 18 години”.
Извор: 24FUDBAL.com.mk
