Англија | Според пишувањата на медиумите од ’Островото’, ’Црвените Ѓаволи’ ќе чекаат да заврши сезоната па потоа ќе го назначат Луј ван Гал за нов менаџер...



Подолго време се говори дека селекторот на ’Лалињата’ ќе седне на кормилото на Олд Трафорд, а вчера се појавија голем број на стории кои велеа дека Манчестер Јунајтед и Луј ван Гал ги испеглале сите детали од договорот.
 
Се најавуваше дека денеска ќе пристигне официјална потврда, но последните извештаи велат дека ’Црвените Ѓаволи’ оваа недела нема да го именуваат Холанѓанецот за нов менаџер.
 
Како што пренесуваат медиумите од ’Островото’, лидерите на Манчестер Јунајтед сакаат најпрво да заврши сегашната сезона, па затоа нема да го соопштат наследникот на Дејвид Мојс пред дуелот со Саутемптон во недела.
 
Се очекува следната недела Луј ван Гал да биде назначен за нов менаџер на ’Црвените Ѓаволи’.

Извор: 24FUDBAL.com.mk