МЕНИ

Италија | Претседателот на ’Старата Дама’, Андреа Ањели изјави дека клубот не планира да стави трета ѕвезда на дресот за следната сезона...

Вчера, по поразот на Рома на гостувањето кај Катанија, Јувентус стигна до новa титула, трета во низа.

За ’Бјанконерите’ ова е официјално 30. Скудето, и покрај тоа што клубот е убеден дека има освоено 32, вклучувајќи ги оние две што им беа одземени во Калчополи скандалот.

Јувентус следната сезона на своите дресови ќе може да стави трета ѕвезда, но од таборот на клубот велат дека не планираат нешто такво.

Зборувајќи денеска на прес конференција, Андреа Ањели рече: „Испишавме нова страна во историјата на Јувентус. Тоа е заслуга на тренерот, играчите и моите колеги“.

„Нема да има трета ѕвезда, бидејќи според нас, имаме освоено 32 Скудета и покрај тоа што официјалните бројки велат дека имаме само 30“.

„Од денеска ни е дозволено да ставиме ѕвезда кога ќе посакаме“.

„Кога другите тимови ќе успеат да стават втора ѕвезда, ние ќе ја ставиме третата за да покажеме колку е голема разликата помеѓу нас и нив“.

Јувентус се обиде да стават трета ѕвезда пред две години, Серија А тогаш не го дозволи тоа, па наместо три ѕвезди, на дресот пишуваше 30 освоени на терен.