Германија | Германскиот весник Bild, ги поврзува Томас Милер и Тони Крос со трансфер во Манчестер Јунајтед...



Тони Крос уште од поодамна беше поврзуван со Црвените Ѓаволи, сега престижниот германски весник пишува дека него ќе му се приклучи и Томас Милер.
 
Милер не е задоволен од минутажата која оваа сезона ја има во Баерн Минхен па подготвен е да ја промени средината.
 
Луис ван Гал кој се посочува како иден тренер на Манчестер Јунајтед, добро ги познава квалитетите на Милер, бидејќи токму под негово водство овој фудбалер стана стандарден првотимец на Баерн Минхен.
 
Извршниот директор на Баерн, Карл Хајнц Румениге, е цитиран од Bild како вели „Доколку некој фудбалер не е задоволен во Баерн Минхен, мора да дојде во мојата канцеларија. Подоцна ќе зборуваме за тоа".
 
Сегашниот договор на Милер со Баерн трае до 2017 година, а неговата вредност се проценува на 45 милиони евра.
 
Bild шпекулира дека Манчестер Јунајтед ова лето ќе има буџет од дури 200 милиони евра, со кои треба да направи сериозен ремонт на тимот.

Извор: 24FUDBAL.com.mk