МЕНИ

Англија | Андреа Шурле смета дека критиките за играта на Челзи не се ништо друго туку љубомора за успешните резултати на Сините...

Челзи го победи Ливерпул на Енфилд и можеби им ја одзема титулата на Црвените, а Брендан Роџерс го обвини Мурињо дека паркирал два автобуси.

Претходно Сините беа критикувани за дефанзивната игра на Висенте Калдерон кога го неутрализираат противникот и се изборија за 0-0.

Но Шурле вели дека Челзи покажал дека може да игра напаѓачки фудбал, а критиките кои доаѓаат на нивна адреса, се само љубомора за добрите резултати.

„Кога луѓето велат дека Челзи не знае да игра дури и кога победува, тоа тие го прават од љубомора" - вели Шурле.

„Победата е она што е најважно. Тоа е најважната работа во фудбалот. Можете да играте перфектно за око, но доколку губите џабе е".

„Но тоа не го сакате, сакате да победувате. Нема поента во тоа да одиграте добро а да загубите".

„Можеме да играме и офанзивно и дефанзивно. Го покражавме тоа против Арсенал, кога ни беше потребно, можеме да играме и да постигнуваме голови".

„Знаеме дека можеме да му создадеме такви проблеми и на Атлетико доколку тие дојдат тука да се бранат".