МЕНИ

Останато | Алесандро Дел Пјеро става крај на двегодишната авантура во Австралија, напаѓачот ќе го напушти Сиднеј ФК...

39 годишниот Италијанец утрово соопшти дека нема да го продолжи договорот па следната сезона нема да го носи дресот на Сиднеј ФК, но не ја откри неговата следна дестинација.

„Австралија, дојде моментот да кажам ’аривидерчи’. Мојата авантура со Сиднеј ФК е пред самиот крај” – гласеше известувањето на Алесандро Дел Пјеро.

„И покрај тоа што одлуката ме прави тажен бидејќи времето поминато тука беше прекрасно, му соопштив на клубот дека заминувам”.

„Благодарен сум за изминатите две години и за барањето на клубот да останам, подготвен сум да проучам нови можности за продолжување на соработката”.

„Изборот не беше лесен бидејќи мојот живот тука беше фантастичен, јас и моето семејство навистина уживавме во овие две прекрасни години”.

„Австралија засекогаш ќе остане во нашите срца”.

„И покрај тоа што живеев на другата страна од светот, се чувствував како дома уште од првиот ден. Па сакам да им се заблагодарам на сите, а најмногу на фановите“.

Медиумите говорат дека Дел Пјеро е желба на неколку клубови од САД и Обединетите Арапски Емирати.

Легендата на Јувентус исто така се поврзува и со тренерското столче на Сиднеј ФК, откако тренерот Френк Фарина доби отказ.