Лига на Шампиони | Арјен Робен вели дека е запознаен со огромната желба на Реал Мадрид да се стигне до 10. титула во Лигата на Шампионите...



Репрезентативецот на ’Лалињата’ го носеше дресот на ’Кралевите’ две сезони и добро го познава противникот.
 
Во пресрет на реваншот во полу-финалето од Лигата на Шампионите, Арјан Робен вели дека е свесен за огромната желба на Реал Мадрид да стигне до 10. триумф во најелитното европско натпреварување, односно популарната ’Ла Десима’.
 
Но Холанѓанецот додава дека и ’Баварците’ сакаат да испишат историја со нов триумф, па мотивацијата на двете екипи ќе биде на високо ниво.
 
„Играв во Мадрид и знам за опседнатоста што ја имаат за ’Ла Десима’, знам колку многу ја посакуваат” – рече Робен на денешната прес конференција. „Но сеуште ја чекаат”.
 
„Ние во три наврати игравме во финалето во последните четири години, а минатата сезона триумфиравме”.
 
„Но гладни сме за нов успех, сакаме да испишеме историја и да станеме првиот тим што ја одбранил титулата во Лигата на Шампионите”.
 
„Би рекол дека мотивацијата е висока кај двата тима”.
 
Робен исто така вели дека поддршката од фановите утре ќе биде клучна, и ги повика навивачите да направат пеколна атмосфера.
 
„Јасно е дека Реал ќе има самодоверба од победата во Мадрид, но знаат дека нема да им биде лесно тука”.
 
„Алианц Арена ќе гори. Ќе го дадеме максимумот. Потребни ни се фановите и нивната поддршка. Потребно е тие да направат пеколна атмосфера”.
 
„Пред нашите фанови постигнавме три гола против Манчестер Јунајтед. Минатата сезона постигнавме четири поритв Барселона”.
 
Се очекува во нападот на Реал Мадрид да играат Герет Бејл, Карим Бензема и Кристијано Роналдо.
 
„Нема да ни биде полесно доколку Роналдо и Бејл играат заедно од стартот”.
 
„Сите бевме изненадени од тоа колку дефанзивно тие одиграа на Сантијаго Бернабеу”.
 
„Потребно е да одиграме офанзивно и да постигнеме погодоци, но исто така треба добро да внимаваме на нивните контра напади”.

Извор: 24FUDBAL.com.mk