Останато | ’Граѓаните’ се клубот кој одвојува најголеми плати во светот на спортот, во просек играчите на Етихад инкасираат околу 8,1 милион долари...



Во истражувањето спроведено на ESPN The Magazine и Sportingintelligence, Манчестер Сити за плати издвојува околу 202 милиони долари, или во просек по 8,1 милион долари, што е најмногу во светот на спортот.
 
Зад ’Граѓаните’ се двата гиганта од Американскиот бејзбол, Њу Јорк Јенкис и Лос Анџелес Доџерс, а потоа следуваат двата гиганти од Шпанија, Реал Мадрид и Барселона.
 
Во топ 10 уште влегуваат два тима од НБА, Бруклин Нетс и Чикаго Булс, како и шампионот во Бундеслигата, Баерн Минхен и премиерлигашите Манчестер Јунајтед и Челзи.
 
Милан и Интер драстично ги имаат намалено сметките за плати и за разлика од претходната листа кога беа помеѓу врвот сега се на 27. односно 31. позиција
 
Јувентус котира највисоко на листата од клубовите во Серија А, шампионот на Италија е на 18. позиција, просечната плата кај ’Бјанконерите’е 5,3 милиони долари.
 
Во анализата не се вклучени бонусите и другите награди што ги исплаќаат клубовите.

Извор: 24FUDBAL.com.mk