Останато | ’Црвено-жолтите’ одново напредуваа на ФИФА ранг листата, репрезентатицијата на Македонија со скок од две места сега е на 80. позиција на априлската листа...
Претходниот месец немаше многу средби, или поточно само шест, па промените на ФИФА ранг листата се поради девалвирањето на натпреварите од претходните години.
Репрезентацијата на Македонија на априлската листа забележа скок од две места и со 443 ранкинг бодовои се најде на 80. позиција.
Шпанија останува лидер пред Германија, а Португалија со прогрес од едно место успеа да се искачи на третата позиција.
Потоа следуваат четири репрезентации од Јужна Америка – Колумбија, Уругвај, Аргентина и Бразил.
Швајцарија е на 8. позиција, Италија на 9. позиција, а по пауза од 18 месеци, нашиот јужен сосед се најде помеѓу десетте најдобри.
Што се однесува до нашата група од квалификациите за ЕВРО 2016, Украина е на 17. позиција, Словачка на 46. позиција, Белорусија на 83. позиција, а Луксембург на 112. позиција.
Извор: 24FUDBAL.com.mk
