Лига на Шампиони | Според Лавеци, Златан Ибрахимовиќ е најдобриот напаѓач во светот, но Аргентинецот верува дека тие и без него може да се радуваат вечерва на Стемфрод Бриџ...
ПСЖ со предност од 3-1 вечерва влегува во реванш четвртфиналниот натпревар против Челзи.
Парижаните ќе бидат ослабени за неиграње на нивниот најдобар фудбалер, Златан Ибрахимовиќ, но Лавеци верува дека и без него ПСЖ може да се радува во Лондон.
„Според мене Златан е најдобриот напаѓач во светот, се разбира дека ќе ни недостасува во Лондон, но можеме и без него да го победиме Челзи" - вели Лавеци.
„Тој е голем фудбалер кој играл на многу големи натпревари, но на првиот натпревар покажавме дека имаме многу квалитетни фудбалери кои можат да го повредат Челзи".
„Челзи ќе треба да не нападне, и тоа нема да биде лесно за нив бидејќи нивниот стил е да се бранат и да даваат голови на контранапади, но сега треба да дадат најмалку два гола, па со нивниот стил на игра тешко дека ќе го направат тоа".
„Нашиот план не е само да излеземе на теренот и да се браниме, треба да бидеме интелигентни и да се обидеме да постигнеме гол, бидејќи со гол на гости сигурно ќе го добиеме дуелот".
Извор: 24FUDBAL.com.mk
