Лига на Шампиони | Роберт Левандовски е свесен дека ’Милионерите’ имаат само минимални шанси за прогрес во 1/2 финалето, но и покрај тоа Борусија Дортмунд ќе го даде максимумот против Реал...
Репрезентативецот на Полска, минатата сезона постигна четири погодоци против Реал Мадрид во натпреварот на Сигнал Идуна Парк во полу-финалето од Лигата на Шампионите, и тогаш му нанесе силен удар на Реал Мадрид.
Но сега приказната е сосема поинаква, избраниците на Карло Анчелоти победија со 3-0 на првиот натпревар и со едната нога се помеѓу четирите најдобри.
Роберт Левандовски, кој поради суспензија не настапи на средбата на Сантијаго Бернабеу минатата недела, признава дека тие имаат минимални шанси за прогрес во полу-финалето, но и покрај тоа, ’Милионерите’ нема да се откажат и ќе го дадат максимумот.
„Минатата сезона, работите беа малку поразлични” – вели Левандовски.
„Доколку луѓето веруваат дека одново можам да постигнам четири погодоци, тоа е лудо”,
„Имаме минимални шанси. Но играме во Дормунд и опасни сме пред нашите фанови, па секако дека ќе го дадеме максимумот во текот на сите 90 минути”.
Проблем за Борусија Дортмунд се повредите на голем број фудбалери, како Невен Суботиќ, Марсел Шмелцер, Куба Блашчиковски, Илкај Гундоган и Свен Бендер.
„Минатата сезона бевме еден поинаков тим. Имаме многу повредени играчи. Но во исто време имаме и неколку други квалитетни фудбалери, и имаме голем потенцијал”.
Запрашан за првиот натпревар во Мадрид, тој рече: „Ми беше жал што не можев да настапам”.
„Ја гледав средбата дома, бев понервозен отколку кога сум на теренот. Ми беше тешко и се надевам дека во иднина нема да треба да пропуштам таков натпревар”.
Извор: 24FUDBAL.com.mk
