Лига на Шампиони | Фудбалерите на ПСЖ ќе добијат бонус од 200 000 евра доколку утре го елиминираат Челзи од најелитното европско натпреварување...



Минатиот месец, медиумите од Франција објавија дека претседателот на ПСЖ, Насер Ал Келаифи на играчите им ветил рекорден бонус од 1 милион евра за тирумф во Лигата на Шампионите.
 
Денешното издание на Le Parisien подетално ја објаснува структурата на бонусите, и објави дека за елиминација на Челзи во четврт-финалето, секој фудбалер на ’Светците’ ќе инкасира по 200 000 евра.
 
Тимот од Париз на првиот натпревар славеше со 3-1, па е фаворит за прогрес помеѓу четирите најдобри, и покрај тоа што Златан Ибрахимовиќ поради повреда нема да настапи на утрешниот натпревар.
 
За прогресот во нок-аут фазата, играчите инкасирале 100 000 евра, како и уште 150 000 за победата во двомечот со Баер Леверкузен во осмина-финалето.
 
Место во финалето ќе им донесе додатни 250 000 евра, а победа во Лисабон уште 300 000 евра.
 
За триумф во првенството на Франција секој играч ќе добие 400 000 евра, а за победа над Лион во лига купот им се ветени дополнителни 50 000 евра.

Извор: 24FUDBAL.com.mk