Лига на Шампиони | Жозе Мурињо очајно посакува да го има Самуел Ето за утрешниот клучен дуел против ПСЖ...



Ето се повреди на почетокот од натпреварот против Арсенал кој Челзи го доби со 6-0 и е неизвесен за реванш натпреварот против ПСЖ на кој Сините треба да бркаат негатива од 3-1.
 
Мурињо денеска ќе одлучи дали Ето ќе биде во тимот, Португалецот вели дека ако има услови за ризик, ќе ризикува, но не по секоја цена.
 
„Дали Ето ќе биде фит? Ќе видиме. Ќе видиме, доколку тренира денес, би можел да игра, за да ризикувате со некој играч потребни ви се минимум услови за тоа" - вели Мурињо.
 
„Доколку мислите дека тој ќе излезе по 10 минути игра, не можете да ризикувате, доколку имате минимум услови за ризик, тогаш да".
 
„Потребни ни се голови. Доколку не постигнеме минимум два гола, ние сме во аут. Го знаеме тоа".
 
„Дали сум нервозен за натпреварот? Не. Би бил нервозен доколку победевме со 1-0 или 2-0 во Париз, но по пораз од 3-1 не сум нервозен. Сакам да уживам во натпреварот, сакам да уживам во борбата, да уживам во ризикот. Па не сум нервозен".
 
„Голем натпревар, речиси невозможна мисија, па ајде да видиме што ќе се случи".
 
„Најважно е да дадеме се од себе. ПСЖ е клуб кој го нема искуството кое го имаме ние".

Извор: 24FUDBAL.com.mk