Англија | Голманот на Челзи, Петр Чех не се чувствува загрозен од Тибо Куртоа кој од следната сезона би можел да се врати на Стемфорд Бриџ...



Од пристигнувањето во Лондон во 2004 година, до денес, Петр Чех е закован меѓу стативите на Челзи.
 
Петр Чех е еден од најдобрите голмани во светот, но Челзи го има и Тибо Куртоа кој во изминатите години брани фанстастично како позајмен во Атлетико Мадрид.
 
Чех немаше најдобар натпревар против ПСЖ, па се зголемија шпекулациите дека Мурињо би можел да го одбере Куртоа за прв чувар на мрежата во следната сезона.
 
Чешкиот голман има верба во своите квалитети и не стравува од евентуалното доаѓање на Тибо Куртоа.
 
„Моментот кога ќе почувствувам дека не сум доволно добар за да бранам на највисоко ниво, ќе престанам" - вели Чех за Daily Mail.
 
„Кога дојдов тука го имав Карло Кудичини зад мене, најдобриот голман во Премиер лигата".
 
„Кога Рос Трбул бранеше за Мидлсбороу, беше голема англиска надеж".
 
„Хиларио секогаш беше подготвен за игра, и можете да ја видите разликата во Фулам откако Марк Шварцер е тука".
 
„Јас сеуште бранам и тоа не може да се потцени".
 
„Доколку Куртоа се врати, и биде подобар од мене, тогаш честитки за него".
 
„Не се плашам".
 
„За да го задржам моето место во тимот, треба да бидам подобар од кој и да дојде".

Извор: 24FUDBAL.com.mk