Италија | Поранешниот аргентински напаѓач, Ернан Креспо вели дека Марио Балотели треба да го промени однесувањето за да го искористи својот талент и да стане еден од најдобрите во светот...



Аргентинецот кој го носеше дресот на Интер, Милан, Лацио, Челзи... смета дека контроверзното однесување на Балотели на и надвор од теренот, го троши неговиот талент.
 
„Има три работи кои се потребни за да бидете добар фудбалер" - вели Креспо за FcInterNews.it.
 
„Едната е нозете, другата е срцето и последната е главата. Доколку ги користите сите три, вашиот талент ќе дојде до израз".
 
„На Балотели му недостасува нешто од состојките. Тоа би го дефинирал како губење на талентот, бидејќи неговиот талент е огромен. Можеби му недостасува малку во главата".
 
„Да се биде шампион не значи само да се постигнуваат голови, важно е и што зборувате и што правите на и надвор од теренот".

Извор: 24FUDBAL.com.mk