Лига на Шампиони | Жозе Мурињо е разочаран од играта во одбраната на Челзи, вели дека работите за неговиот тим сега се многу потешки, но во фудбалот никогаш не се знае...
Челзи со пораз од 3-1 се враќа од Париз, очајното издание на одбраната на Сините, му донесе одлична предност на ПСЖ.
Сега мисија за Челзи е многу потешка, Мурињо е бесен на одбраната, но се надева дека негативата може да биде надополнета на Стемфорд Бриџ.
„Игравме против одличен тим кој има одлични напаѓачи, па очекувате тие да постигнат голови, и го направија тоа, но ние им помогнавме со лошата дефанзива" - вели Мурињо.
„При првиот примен гол, топката беше наша, бевме во лесна позиција, но му асистиравме на напаѓачот".
„При вториот гол никој не беше позициониран на потребното место. Мојот фудбалер си постигна автогол, тоа е несреќа, но играчите дефанзивно беа лошо позиционирани".
„Третиот гол беше смешен. Гери Невил рече дека сме реагирале бавно. Но јас велам смешно. Не можам да посочам поединци за грешките, не тука. Ќе зборувам со нив во соблекувалната".
„Ќе биде тешко во реваншот, но не и невозможно. Во фудбалот ништо не е невозможно. Тие можеби ќе постигнат гол од ништо, а ние во моментов немаме тим кој може да постигне многу голови, но никогаш не се знае. Треба да дадеме се од себе".
Извор: 24FUDBAL.com.mk
