Лига на Шампиони | Јирген Клоп е разочаран од играта во одбраната на својот тим, но и од завршницата на акциите на Борусија Дортмунд која синоќа со убедливи 3-0 беше поразена на Сантијаго Бернабеу...
Борусија Дортмунд доживеа убедлив пораз на гостувањето кај Реал Мадрид, па невозможна мисија ќе биде во реваншот да се надополни големата негатива од 3-0.
„Практично им асистиравме за два од трите гола. Можете да примите гол како првиот кој беше одлично изработен, но многу лесно ги примивме вториот и третиот гол" - вели Клоп.
„Не се браневме како што треба, им оставивме премногу простор и не бевме компактни како што сакав. Но треба да разбереме дека игравме против еден од најдобрите тимови во светот".
„Имавме многу шанси да постигнеме гол и притискавме до последниот свиреж. Дефинитивно ќе беше многу добро за реваншот доколку постигнеме гол".
„Секогаш е возможно дома да победите 2-0, но тоа не би било доволно бидејќи не постигнавме гол"'.
„Ни фалеше добар финиш на акциите. Имавме многу контра напади, но последниот допир беше лош. Па доколку бидеме елиминирани, тоа нема да биде само поради лошата дефанзива".
„Не можам да дадам ветувања за реваншот, сакаме да играме атрактивен фудбал и да го добиеме натпреварот ако е возможно. Ако победиме, ќе треба само да видиме со кој резултат ќе го направиме тоа".
Извор: 24FUDBAL.com.mk
