Лига на Шампиони | Карло Анчелоти е задоволен од убедливата победа на Реал Мадрид, но вели дека тие мора да бидат внимателни на реваншот во Дортмунд...



Реал Мадрид со убедливи 3-0 го победи тимот на Борусија Дортмунд, оствари голема предност и би било огромно изненадување доколку не успее да се пласира во полуфиналето.
 
„Задоволен сум со резултатот и односот на тимот. Ова не беше лесен натпревар, но имавме добар старт. Потоа успоривме малку, а Дортмунд знае да биде многу опасен тим. Брзи се на контра напади, но нашата дефанзива беше одлична" - изјави Анчелоти по натпреварот.
 
„Кристијано Роналдо има проблем со коленото, но го извадив за да избегнеме било каков ризик. Тој не е повреден, има само мала болка".
 
„Добро реагиравме по два натпревари кои не ги одигравме добро. Но сонуваме да играме во финалето и да ја освоиме десетата европска титула, сепак има уште три натпревари до него".
 
„Овој резултат е голема предност за нас, но мора да бидеме внимателни во Дортмунд".

Извор: 24FUDBAL.com.mk