Лига на Шампиони | Тренерот на ПСЖ, Лорен Блан е задоволен од играта и победата на неговиот тим, но знае дека натпреварот ќе се решава на Стемфорд Бриџ...



Благодарение на очајната игра во одбраната на Челзи, ПСЖ синоќа дојде до одличен резултат победувајќи ги Сините со 3-1.
 
„Секогаш може подобро, но мислам дека момците дадоа се од себе. Можеби бевме малку исплашени од контра нападите на Челзи, тие се многу можен тим. Но постигнатиот гол на крајот беше многу важен" - изјави Блан.
 
„Бевме подобри во второто полувреме. Освоивме повеќе топки и голот на Пасторе беше фантастичен".
 
„По постигнувањето на вториот, атакувавме на трет гол, и на крајот го добивме. Среќен сум за Пасторе кој имаше подеми и падови оваа сезона, но овој пат ја покажа својата класа и заслужува честитки".
 
„Ибрахимовиќ има болка во мускулот, не сум сигурен што е, треба да се испита, но сигурно ќе му треба мала пауза".
 
„Сега треба да се подготвиме за реваншот на Стемфорд Бриџ, постигнавме три гола, но видовме дека можеме и да примиме, натпреварот ќе се решава таму".

Извор: 24FUDBAL.com.mk