Првиот човек на судиите во Серија А, Пиерлуиџи Колина вели дека тој ја поддржува идеата за воведување на видео технологија во фудбалот

Дебатата за воведување на видео технологија во фудбалот повторно стана актуелна откако Тиери Анри со помош на својата рака придонесе Република Ирска да биде елиминирана од бараж дуелот за пласман на Светското Првенство во 2010.

Сеп Блатер, првиот човек на ФИФА и Мишел Платини, претседателот на УЕФА се против видео технологијата и покрај се поголемите повицина тренерите и играчите.

Поранешниот делител на правдата во Серија А, а сегашен прв човек на судиите во Калчото, Пиерлуиџи Колина се приклучи во барањата за вовед на видео технологија во фудбалот.

Зборувајќи за Gazzetta dello Sport тој рече: “Проблемот за мене е евидентен. Тоа е исто како да побарате од докторот да ги оперира лигаментите на коленото на играчот со инструменти од минатото. Порано со таква повреда играчите ги завршуваа кариерите сега се враќаат за пет месеци.”

“Дали би го обвиниле докторот поради тоа што тој не бил во можност да го лекува играчот како во супер технолошка болница? Доколку и судиите имаат исти такви инструменти како и оние кои често ги критикуваат, ќе биде сосема поинаку.”

“Тоа значи пријавување на работите во коректна димензија, како на теренот така и на телевизија.”

“Не можеме да продолжиме вака: судиите заминуваат на теренот

знаејќи дека невните перформанси ќе бидат следени и ќе се бара грешка.”

“Мораме да ја користиме технологијата во фудбалот или во спротивно судиите ќе останат единствените кои ќе треба да одлучуваат со своите очи додека другите ќе ги судат одлуките употребувајќи многу поперфектни инструменти.”

Powered by: 24 FUDBAL.com.mk