МЕНИ

Шпанија | Карло Анчелоти вели дека Кристијано Роналдо ги оставил зад себе свирежите од фановите на Сантијаго Бернабеу во саботата, CR7 е мотивиран и подготвен за дуелот со Дортмунд...

Главната ѕвезда на Реал Мадрид беше исвиркан од своите фанови на средбата против Рајо Ваљeкано изминатиов викенд.

Во пресрет на дуелот со Борусија Дортмунд во четврт-финалето од Лигата на Шампионите, Карло Анчелоти вели дека Кристијано Роналдо веќе го заборавил ваквиот инцидент, Португалецот е мотивирен и подготвен за пресметката со ’Милионерите’.

„Се е во ред со Роналдо, нема болки во коленото” – рече Анчелоти на прес конференцијата. „Тој е релекасиран и со нетрпение го чека натпреварот”.

„Ги заборави свирежите од фановите во саботата, тие се случија бидејќи не ја додаде топката на еден од своите соиграчи при прилика за погодок. Роналдо е мотивиран и подготвен за настап исто како и секогаш”.

Двете екипи минатата сезона се сретнаа во полу-финалето од Лигата на Шампионите, а Борусија Дортмунд излезе како победник.

„Ги гледав натпреварите, беа прилично чудни бидејќи Реал Мадрид на првиот натпревар, во првото пулувреме ги контролираше работите, но потоа она што се случи во вториот дел беше неверојатно”.

„По таквиот исход на настаните, беше јасно дека Реал тешко ќе направи кам-бек, не е лесно да се постигнат три погодоци против Борусија Дортмунд”.

’Милионерите’ се мачат со голем број на повреди, додатно Левандовски е суспендиран, па ’Кралевите’ се големи фаворит.

„До сега добро ни одеше во Лигата на Шампионите, ние сме еден од двата тима кои сеуште немаат пораз. 100% сме подготвени за овој натпревар”.

„Дортмунд ќе биде без Роберт Левандовски, кој е важен играч за нив. Исто така имаат и неколку повредени фудбалери, но и ние имаме проблеми’.

„Ќе се обидеме да бидеме офанзивни бидејќи сакаме да победиме, но во исто време ќе мораме да бидеме внимателни бидејќи Дортмунд е многу опасен при контра-нападите”.

„Нивната трансформација од одбрана во напад е одлична”.