МЕНИ

Лига на Шампиони | Јирген Клоп вели дека Реал Мадрид е фаворит во двомечот со Борусија Дортмунд, но тие нема да се откажат без борба и ќе се обидат уште еднаш да го шокираат противникот...

’Милионерите’ минатата сезона ги елиминираа ’Кралевите’ во полу-финалето од најелитното европско натпреварување.

Но за сегашниот двомеч Борусија Дортмунд е драстично ослабена со отсуството на неколку играчи, па Реал Мадрид според многумина лесно треба да обезбеди пласман помеѓу четирите најдобри.

Јирген Клоп е свесен дека Реал Мадрид е фаворит, но стратегот на Борусија Дортмунд вели дека тие нема да се откажат без борба и ќе се обидат уште еднаш да го шокираат противникот.

„Реал Мадрид оваа сезона е многу пофлексибилен, и според мене подобар во споредба со минатата” – рече Клоп.

„Брзината на нивната игра е извонредна. Бејл и Ди Марија одлично комбинираат”.

„Минатата година се покажавме како пречка за Реал, и ќе се обидеме истото да го сториме и сега”.

„Тоа што реваншот го играме дома можеби е мала предност, но се плашам дека Реал уште на првиот натпревар ќе сака да ги реши сите дилеми”.

„Гледав голем дел од нивните натпревари, и никогаш не се случи да има средба на која тие нема да креираат гол шанса”.

„Имаат извонреден квалитет, и не смееме да го игнорираме тоа. Доколку го играме нашиот фудбал и ги држиме главите исправени, сигурен сум дека ќе имаме шанси”.

„Мадрид е фаворит, но ние сме навикнати да бидеме аутсајдери. Никој не траба да ни остави простор бидејќи можеме да бидеме многу опасни”.

„Нема да биде катастрофа доколку загубиме. Малку тимови можат да се пофалат со она што ние го направивме во последните десет години”.

Клоп исто така се пошегува дека единствениот збор што го знае на Шпански е ‘cojones’, и тие ќе имаат мадиња да одиграат квалитетно на Сантијаго Бернабеу.