МЕНИ

Шпанија | Светската куќа на фудбалот ја обвини Барселона за прекршување на правилата при ангажман на малолетни фудбалери, ’Каталонците’ нема да можат да бидат активни на два последователни трансфер периоди...

ФИФА вели дека истрагата била водена подолго време, и доказите велат дека Барселона ги прекршила правилата за трансфер и регистрација на играчи под 18 години од странство.

’Каталонците’ се обвините дека направиле неправилности при трансферите на 10 малолетни играчи, кои настапувале за клубот на најразлични натпреварување во периодот од 2009 до 2013.

Светската куќа на фудбалот ја казни Барселона со трансфер ембарго, актуелниопт шапион на Шпанија нема да може да купува играчи на два последователни трансфер периоди, а тимот од Ноу Камп ќе треба да плати и глоба од 450 000 швајцарски франци.

Парична казна доби и Фудбалската Федерација на Шпанија, која исто така ги прекршила правилата за трансфер и регистрација на играчи до 18 години.

ФФШ ќе мора да плати глоба од 500 000 швајцарски франци и во период од 12 месеци да направи промени во својот правилник и да се усогласи со барањата на ФИФА.

Доколку ваката казна стапи на сила во скоро време, ’Каталонците’ нема да можат да се засилат за сезоната 2014/2015.