Шпанија | Медиумите од Шпанија пренесуваат дека Диего Коста е под знак прашалник за вечерашниот дуел со Барселона откако се повредил на вчерашниот тренинг...
Извештаите велат дека напаѓачот на вчерашниот тренинг на Камп Ноу, во пресрет на првиот натпревар од четврт-финалната пресметка против ’Каталонците’ во Лигата на Шампионите, на теренот издржал едвај десетина минути и заедно со физиотерапевтот се упатил кон соблекувалната.
Диего Коста има ситна повреда на коленото и е под знак прашалник за вечерашниот натпревар.
За медимуте од Шпанија, тренерот на Атлетико, Диего Симеоне рече: „Во моментов би рекол дека ќе биде тешко тој да се опорави”.
„Но ќе почекаме, до натпреварот има уште многу време”.
Репрезентативецот на Шпанија е главен играч на Атлетико Мадрид оваа сезона, па за очекување е да стисне заби и да им се спротивстави на ’Каталонците’.
Извор: 24FUDBAL.com.mk
