Лига на Шампиони | Дејвид Мојс верува во своите фудбалери, смета дека неговиот тим може да го победи фаворизираниот Баерн Минхен...



Манчестер Јунајтед игра очајна сезона под водство на Дејвид Мојс, па ретко кој верува дека тие можат рамноправно да се носат со Баерн Минхен кој игра во фантастична форма.
 
Мојс верува во својот тим и вечерва очекува претстава на највисоко ниво.
 
„Баерн Минхен беа одлични минатата сезона, ја освоија Лигата на Шампиони и имаа добар тим, оваа сезона имаат иста цел. Имаат нов тренер и им честитам за титулата во Бундеслигата." - вели Мојс.
 
„Мислам дека притисокот е еднаков и на двете страни. Сакаме да го добиеме натпреварот исто како и Баерн што сака. Знаеме дека ако одиграме најдобро можеме да се носиме со било кого".
 
„Тоа треба почесто да го покажуваме, имам голема верба во моите фудбалери. Сакаме да продолжиме да напредуваме, имаме мали знаци на напредок и тоа е добро".
 
„Играме против добар противник, и во вакви ноќи Јунајтед знае да се крене на највисоко ниво".

Извор: 24FUDBAL.com.mk