Лига на Шампиони | Диего Симеоне вели дека денешниот дуел против Барса ќе биде многу потежок од претходните три пресметки на Атлетико Мадрид против ’Каталонците’ оваа сезона...
Тимот од Висенте Калдерон пружи силен отпор на претходните средби со Барселона и не доживеа ниту еден пораз.
Сепак, Диего Симеоне вели дека ова е најтешкиот тест за Атлетико Мадрид, стратегот верува дека Барса одново е во топ форма и на Камп Ноу сите ќе ја видат најдобрата верзија на ’Каталонците’.
„Од сите натпревари против Барселона оваа сезона, овој е најтешкиот” – рече тренерот на Атлетико на прес конференцијата.
„Првиот во Суперкупот на Шпанија игравме на домашен терен, додека пак на оној во Ла Лига, Меси штотуку се опорави од повредата”.
„Барса се враќа во топ форма, и сигурен сум дека сега ќе ја видиме најдобрата верзија на ’Каталонците’.”
„Ова е Лигата на Шампионите, и добра прилика за нив. Без разлика на тоа што го велат, ќе се обидат да победат и уште на првиот натпревар да го решат патникот во полу-финалето”.
Запрашан кој е фаворит, Симеоне одговори: „Доколку кажам дека ние сме фаворити, ќе испадне дека сме арогантни. Доколку кажам дека тие се фаворит, ќе изгледаме како жртви”.
„Можам само да кажам дека ќе го дадеме максимумот”.
За важноста на Диего Коста, тој рече: „Диего Коста за нас преставува она што Роналдо преставува за Реал и Меси за Барселона”.
„Сите тројца играчи имаар различен стил, но се од голема важност за своите екипи. Сите тројца се во извонредна форма”.
„Би рекол дека Диего Коста бележи прогрес од дена на ден, а Меси покажува колку од корист му биле двата месеци што ги пропушти поради повреда. Очекувам да биде во топ форма за Светското Првенство”.
Извор: 24FUDBAL.com.mk
