Англија | Жозе Мурињо вели дека летоска на Стемфорд Бриџ ќе пристигне нов напаѓач, Португалецот исто така сугерираше дека ќе има големи промени во составот на Челзи...
На гостувањето кај Кристал Палас во саботата, и поразот од 1-0 по кој ’Сините’ го загубија првото место на табелата, уште еднаш до израз дојде проблемот со кој се мачи Челзи, односно лошата форма на напаѓачите.
Самуел Ето, Фернандо Торес и Демба Ба оваа сезона во Премиер лигата заедно имаат постигнато 15 погодоци, а поголемиот дел од головите се дело на офанзивните играчи од средниот ред, како Еден Азар, Оскар и Андре Шурле.
Затоа често се говори дека на Стемфорд Бриџ летоска ќе пристигне нов напаѓач, а во последно време Диего Коста од Атлетико Мадрид се посочува како топ трансфер цел.
Жозе Мурињо вели дека не е тајна намерата на Челзи да донесе нов голгетер, Португалецот исто така сугерира дека ќе има големи промени во составот по крајот на сезоната.
„Мислам дека ова не е прав момент да говориме за трансфер пазарот, но јасно им е на сите дека Челзи сака следната сезона да донесе напаѓач” – вели ’Специјалниот’.
„Каква ќе биде иднината на другите напаѓачи? Оние што ќе останат ќе се борат за место во тимот со напаѓачот што ќе го донесеме”.
„Исто така, сосема нормално ќе биде тоа што на крајот од сезоната, играчите што немаат голема минутажа, и оние кои не се среќни од својот статус можно е да преферираат промена на средината”.
„Ова е дел од преодниот рок. Сакаме да го подобриме тимот и играчите, и да направиме некои хируршки потези на трансфер пазарот”.
„Исто така јасно е дека сакаме да ги подобриме нашите играчи. Не можам, и немам потреба да ги подобрам Бранислав Ивановиќ, Гери Кејхил и Џон Тери”.
„Треба да подобрам други играчи. Мислам дека го правиме тоа чекор по чекор, но не е доволно за да бидеме шампиони”.
Извор: 24FUDBAL.com.mk
