МЕНИ

Англија | Жозе Мурињо инсистира дека никогаш не бил опција за менаџерското столче на Манчестер Јунајтед бидејќи негова единствена желба била да се врати на Стемфорд Бриџ...

’Специјалниот’ се посочуваше како еден од наследниците на Сер Алекс Фергусон на Олд Трафорд, но кога Шкотот реши да се пензионира на крајот од минатата сезона, го одбра Дејвид Мојс за негов наследник.

’Црвените Ѓаволи’ се мачат под водство на 50 годишниот стратег, имаат разочарувачка сезона, фановите полека го губат трпението и веќе се појавуваат гласини за смена на Мојс.

Во разговор со The Sun, Жозе Мурињо верува дека на Мојс треба да му се даде време за да се адаптира на новиот клуб, и додава дека тој самиот никогаш не бил во комбинација за менаџерското столче на Олд Трафорд.

„Не знам дали Сер Алекс ме земал во предвид или не” – рече Португалецот.

„Поентата е тоа што тој јасно знаеше дека јас сакам да одам во Челзи“.

„Разговарав со него откако со Реал Мадрид го елиминиравме Манчестер Јунајтед од Лигата на Шампионите минатата сезона, у кажав што сакам да правам, му кажав дека сакам да се вратам во Челзи, дека тоа е насоката кон која сакам да се движам”.

„Што се однесува до Дејвид, тој се пресели во нов клуб, клуб со нова реалност за него, па сеуште се прилагодува”.

„Следната сезона ќе биде подобар и внимавајте, внимавајте! Тој сеуште може да триумфира во Лигата на Шампионите оваа сезона”.

Запрашан дали Мојс до сега ќе добиел отказ доколку бил менаџер на Челзи, Мурињо одговори: „Можеби не. Можеби Челзи сега има поинаква визија, работи кон поинаков профил и поинаква стратегија”.