МЕНИ

Шпанија | Барселона и Динамо Загреб соопштија дека е постигнат договор за трансфер на талентираниот Ален Халиловиќ на Камп Ноу...

Минатиот месец претставници на ’Каталонците’ беа во Загреб на средба со лидерите на Динамо, а медиумите од Хрватска и Шпанија пренесоа дека двата клуба успеале да постигнат договор за трансфер на Ален Халиловиќ.

Подоцна самиот играч соопшти дека карирата ќе ја продолжи на Камп Ноу, а сега двата клуба официјално ја потврдија зделката.

За услугите на 17 годишниот офанзивен фудбалер Барса ќе плати 2,2 милиони евра, плус додатни бонуси кои ќе зависат од настапот на играчот во првиот тим на ’Каталонците’.

„Барселона постигна договор со Динамо Загреб и Ален Халиловиќ за трансфер на играчот на Камп Ноу” – гласи известувањето на шампионот на Шпанија.

„Младиот Хрват стави потпис на петгодишен договор и ќе ја започне кариерата во Б-тимот”.

За официјалната веб страна на Динамо Загреб, Халиловиќ рече: „Пресреќен сум”.

„Сакам да му се заблагодарам на Динамо, ќе остане мојата прва љубов и најдрагиот клуб каде ги остварив детските сонови”.

„Им се заблагодарувам на сите тренери со кои соработував и на фановите”.

„Секако, Барселона е нешто посебно, клуб кој го сакам откако почнав да тренирам фудбал, па чест ми е што ми се укажа шанса да го носам дресот на ’Каталонците’”.

„Пред да се преселам во Шпанија, сакам да ја освојам двојната круна со Динамо.”