МЕНИ

Англија | ’Црвените’ потешко од очекувањата славеа над Сандерленд со 2-1 и му се доближија на лидерот Челзи на еден бод...

И покрај тоа што Сандерленд играше со променет состав откако Гус Појет остави неколку важни фудбалери на клупата, ’Црните Мачки’ одлично се брание и ги неутрализираа сите напади на Ливерпул.

Но гостите не можеше да стори ништо кон финишот на првиот дел, кога капитенот Стивен Џерард изведе слободен удар од дваесетина метри, биеше прецизно во аголот и го донесе Ливерпул во предност од 1-0.

На стартот од вториот дел Даниел Стариџ се запиша во листата на стрелците за водство од 2-0 и многумина во тој момент веруваа дека средбата е решена.

Појет потоа во игра ги вметна Адам Џонсон и Ки Сунг Јуенг, дуото ја раздижи играта на Сандерленд, а репрезентативецот на Јужна Кореја успеа и да се запише во листата на стрелците во 76. минута и да намали на 2-1.

Гостите потоа извршија силен притисок врз голот на Ливерпул, имаа и шанса за втор гол, но Џон О’Шеј не ја зафати најдобро топката и пропушти да го шокира домаќинот.

Со овие три бода, ’Црвените’ му се доближија на лидерот Челзи на само еден бод и ги задржаа шансите за титулата.

Во вториот вчерашен натпревар, Вест Хем направи нов чекор кон опстанок со победата од 2-1 над Хал Сити.

Нобл ги донесе домаќините во предност со гол од пенал во 26. минута, Јелавиќ изедначи на стартот од вториот дел, но Вест Хем се врати во водство во 54. минута со автоголот на Честер.