МЕНИ

Останато | Европската куќа на фудбалот го одобри планот за ново натпреварување, Лига на Нациите, кое ќе треба да започне во 2018...

Се уште не се познати сите детали за форматот на натпреварување, но концептот е да има четири дивизии, во кои ќе има четири групи составени од три или четири селекции.

Натпревварувањето ќе има промоција и испаѓање, ќе има победник секоја непарна година и ќе биде замена за поголемиот дел од пријателските натпревари.

Лигата на Нациите ќе биде поврзана со квалификациите за Европското Првенство, односно ќе носи екстра шанса за пласман на ЕВРО.

Планот е натпреварите (од четири до шест) од групите да се играат помеѓу септември и ноември 2018.

Фајнл-фор средбите, каде ќе се сретнат победниците на групите во првата дивизија, ќе се играат на стартот од 2019, додека пак плеј-офот за пласман на ЕВРО ќе се одржи во март 2020.

„Ја прифаќаме и почитуваме желбата на сите членки на УЕФА да се креира ново натпреварување” – рече Волфганг Нирсбах, претседател на Комитетот за Натпреварување на Националните Тимови.

„Ова е голем чекор за националните тимови во Европа и се надеваме дека фановите ќе го поддржат новиот формат”.

УЕФА со ваквиот чекор се надева дека ќе го подобри квалитетот на репрезентативниот фудбал, а ќе бидат прибрани и дополнителни финансиски средства од продажба на ТВ правата.