Англија | Шкотот има разочарувачка прва сезона на кормилото на ’Црвените Ѓаволи’ а медиумите додадоа уште неколку ’успеси’ и ’достигнувања’ во CV-то на менаџерот...



Сите знаеа дека Дејвид Мојс нема да има лесна задача да го наследи големиот Сер Алекс Фергусон, но во исто време малкумина очекуваа дека актуелниот шампион на Англија ќе има толку лоша сезона.
 
Во февруари, медиумите од ’Островото’ направија листа на сите понижувања што ги доживеа стратегот на кормилото на тимот од Олд Трафорд, како поразите од ВБА, Њукасл, Свонси и Евертон.



По вчерашниот пораз во градското дерби од Манчестер Сити, беа додадени уште неколку ’успеси’ и ’достигнувања’.
 
’Црвените Ѓаволи’ сега имаат десет порази, за прв пат во една сезона од Премиер лигата.
 
Загубија на шест натпревари на домашен терен за прв пат во 12 години, и имаат само 1 победа на 13 средби против топ девет екипите на табелата.
 
За фановите сигурно е најболен фактот што Манчестер Јунајтед за прв пат доживеа пораз од лутите ривал Ливерпул и Манчестер Сити на домашен терен и во гости во една сезона.

Извор: 24FUDBAL.com.mk