Шпанија | Претседателот на Барселона, Хосеп Мариа Бартомеу вели дека Лео Меси наскоро ќе добие нов договор и ќе стане најплатениот фудбалер во светот...



Медиумите подолго време говорат дека ’Каталонците’ се во преговори со својата најголема ѕвезда, Лео Меси за продолжување на соработката.
 
Последните извештаи велат дека Барселона на Аргентинецот му понудила договор со трајност до 2019 и поголема плата.
 
Преговорите ги води лично претседателот Хосеп Мариа Бартомеу, и лидерите на клубот се надеваат дека ќе постигнат согласност со играчот за помалку од два месеци.
 
Зборувајќи денеска на настан организиран од весникот El Periodico и банката Banco Sabadell, Сандро Росел без да открива детали најави дека наскоро ќе биде обновен договорот на Лео Меси, и уште еднаш ја отфрли можноста напаѓачот да биде продаден.
 
„Меси наскоро ќе стави потпис на нов договор, но не знам кога точно, бидејќи во моментов сме фокусирани на натпреварите што ни претстојат” – рече Бартомеу.
 
„Сакаме тој да стане најплатениот фудбалер. Меси не е на продажба. Ниту еден член на бордот на директори не може да замисли иднина без него”.
 
„Лео ќе продолжи да го носи дресот Барселона се додека сака”.

Извор: 24FUDBAL.com.mk