Англија | Менаџерот на Манчестер Јунајтед, Дејвид Мојс вели дека е розочаран што не успел да обезбеди подобри резултати на дуелите со водечките екипи во Премиер лигата...
’Црвените Ѓаволи’ се мачат под водство на Дејвид Мојс оваа сезона, а тоа најдобро може да се забележи на дуелите против екипите од горниот дел на табелата.
Триумф од 1-0 над Арсенал во ноември е единствената победа против тим од топ девет на табелата во Премиер лигата.
Во пресрет на градското дерби против Манчестер Сити, Дејвид Мојс вели дека болат поразите на големите натпревари, стратегот жали што не успеал да обезбеди подобри резултати на овие средби, и ветува подобри перформанси.
„Дефинитивно болат” – вели Шкотот за поразите на големите натпревари.
„Болат повеќе бидејќи пристигнав во Манчестер Јунајтед со големи очекувања, пристигнав во победнички клуб”.
„Имам победнички менталитет, и токму тоа сакав да го направам, па разочаран сум од самиот себе и разочаран сум што не успеав да обезбедам добри резултати”.
„Сакаме да одиграме подобро на големите натпревари од она што го прикажавме до овој момент, не се сомневам во тоа”.
„Ќе сториме се што можеме за да го победиме Манчестер Сити. Очигледно е дека на фановите им значи многу повеќе победа на дерби средба, но ние на секој натпревар му пристапуваме со иста намера за триумф”.
„Важно е да се победи на сите натпревари. Без разлика дали играте со мал или голем тим, сакате да победите на сити средби”.
Извор: 24FUDBAL.com.mk
