Италија | Сопственикот на ’Нероаѕурите’, Ерик Тохир вели дека летоска ќе го одврзе ќесето за ангажман на нов голгетер или фудбалер од средниот ред...
Лидерите на Интер напорно работат на реконструкција на составот, тимот од Џузепе Меаца веќе потпиша со Немања Видиќ, дефанзивецот ќе биде првото засилување за сезоната 2014/15.
Медиумите ги поврзуваат ’Нероаѕурите’ со голем број на играчи, се најавува пристигнување на нов напаѓач, фудбалер од средниот ред, а најверојатно ќе бидaт засилени и бековските позиции.
Во разговор со Gazzetta dello Sport, сопственикот на Интер, Ерик Тохир вели дека е подготвен да го одврзе ќесето за нов напаѓач или фудбалер од средниот ред.
Бизнисменот од Индонезија ја отфрли можноста Самуел Ето да се врати на Џузепе Меаца, и сугерира дека Интер би можел да ангажира еден од Фернандо Торес, Един Џеко или Алваро Мората.
„Ќе направиме голема инвестиција за ангажман на напаѓач или играч од средниот ред” – вели Тохир.
„Често читам како не поврзуваат со Торес, Џеко и Мората. Можно е еден од нив да пристигне на Џузепе Меаца”.
„Ето? Би рекол не. Потребен ни е баланс. Новиот напаѓач би требало да не биде постар од Паласио и помлад од Икарди”.
Се говори дека Интер е многу блиску до потписот на Бакари Сања, кој е под договор со Арсенал до 30. јуни.
„Не сакам да соопштам нешто без да биде потпишан договор. Можам само да кажам дека сме заинтересирани за Сања и во овој момент се зависи само од него”.
Извор: 24FUDBAL.com.mk
