Шпанија | Реал Мадрид и Барселона одиграа фантастично Ел Класико со седум голови, три пенали, еден црвен и многу жолти картони, Каталонците победија и се вратија во трката за титулата...
Супер интересно Ел Класико одиграа Реал и Барселона кое со 4-3 го добија Каталонците и дојдоа на само бод до водечката двојка од Мадрид.
Серијата голови започна по само седум минути игра кога Иниеста постигна одличен гол за водство на Барса од 1-0.
Следуваше период на Реал Мадрид во кој со два гола за комплетен пресврт се истакна Карим Бензема.
Пред крајот на првиот дел Лео Меси погоди за изедначување на 2-2.
По десет минути игра во второто полувреме судијата досуди пенал за Реал Мадрид, Кристијано Роналдо беше фаулиран, но надвор од шеснаесетникот.
Португалецот биеше сигурно од белата точка, враќајќи го водството на Реал Мадрид.
Во 63. минута пенал на спротивната страна, но овој пат зачинет со црвен картон за Рамос, Реал Мадрид остана со фудбалер помалку.
Меси погоди за 3-3, а подоцна со уште еден гол од пенал комплетираше хет-трик и донесе голема победа за Барселона.
Извор: 24FUDBAL.com.mk
