МЕНИ

Шпанија | Жерард Пике вели дека Ундиано Маљенко не влијаел на исходот на ’Ел Класико’, дефанзивецот мисли дека Кристијано Роналдо не требал да го критикува судијата по ваков спектакуларен натпревар...

Португалецот го впери прстот кон Ундиано Маљенко откако Барселона стигна до победа од 4-3 на Сантијаго Бернабеу, Португалецот обвини дека судијата им помогнал на ’Каталонците’ да се вратат во трката за титулата.

Жерард Пике не се сложува со ваквата констатација, и вели дека Маљенко не влијаел на исходот на средбата.

Дефанзивецот на Барселона исто така истакна дека е жално што Кристијано Роналдо го критикувал судијата по еден ваков спектакуларен натпревар.

„Навистина е жално фокусот да се префрла на судијата по еден ваков одличен натпревар“ – рече Пике.

„Ако веќе треба да ги прегледаме и искоментираме една по една сите одлуки, пеналот над Роналдо беше надвор од шеснаесетникот...“

„Не е фер да се зборува за судијата. Тој не влијаеше врз конечниот резултат“.

„Знаевме дека ова е мнову важен натпревар во трката за титулата. Покажавме добра партија“.

„Видовме неверојатен натпревар. Луѓето се забавуваа!“