Шпанија | Спред Кристијано Роналдо судијата Ундиано Маљенко не бил на потребното ниво за средба како ’Ел Класико’, Португалецот вели дека Реал Мадрид играл против 12-мина...
’Каталонците’ славеа со 4-3 на Сантијаго Бернабеу, и им се доближија на ’Кралевите’ на само еден бод.
По крајот на средбата Кристијано Роналдо се пожали дека Барселона стигнала до значајни три бода благодарејќи на судијата.
Португалецот исто така сугерираше за теории на заговор велејќи дека ’некој’ сакал Барселона да се врати во трката за титулата.
„Ундиано Маљенко не е пригоден за ваков натпревар“ – рече Роналдо. „Игравме против 12“.
„Секогаш е исто. Се чини дека не сакаа ние да победиме и сакаа Барселона да се врати во трката за титулата“.
„Не барам оправдување за поразот, но исто така не сакам ниту да молчам. Судијата не беше на потребното ниво за ваков голем натпревар, направи премногу грешки“.
„Тука сум пет години и знам како функционираат работите. Доколку Барса загубеше, ќе испаднеше од трката за титулата“.
„Никогаш не сум видел Реал Мадрид да биде фаворизиран од судиите. “.
Судијата Маљенко беше во центарот на неколку контроверзни одлуки. Тој најпрво покажа на белата точка во корист на ’Кралевите’ и покрај тоа што Кристијано Роналдо беше фаулиран надвор од шеснаесетникот.
Потоа досуди уште два пенали во полза на Барса, а при првиот, му покажа и црвен картон на Серхио Рамос.
Извор: 24FUDBAL.com.mk
