Лига на Шампиони | Горан Пандев по подолго време погоди за Наполи, но неговиот тим доживеа елиминација од Лига Европа, откако одигра 2-2 на Сан Паоло против Порто...
Пандев одигра добри 68 минути за Наполи, постигна гол и додека беше на теренот неговиот тим имаше добар резултат.
По убава асистенција од Игуаин во 21. минута, Пандев му донесе водство на Наполи од 1-0.
Наполитанците притискаа за втор погодок, пропуштија неколку добри шанси за нов гол, Порто беше во подредена улога.
Но работите се променија во последните 20 минути, во 69. Гилас реализираше за 1-1, а седум минути подоцна Кварезма прави комплетен пресврт.
Во судиското продолжение Наполи преку Запата успеа да израмни и да избегне нов пораз од Порто.
Италија остана само со Јувентус во европските натпреварувања кој со гол на Пирло ја совлада Фиорентина во Фиренца.
Бенфика оди меѓу осумте најдобри откако одигра 2-2 против Тотенхем, Валенсија со 1-0 го победи Лудогорец.
Плзен славеше пирова победа од 2-1 над Лион, немаше голови на натпреварот помеѓу Анжи и Аз Алкмар.
Извор: 24FUDBAL.com.mk
