Шпанија | Од таборот на Барселона ги отфрлаат шпекулациите кои велат дека тренерот Тата Мартино ќе замине од Камп Ноу по крајот на сезоната...



Медиумите од Шпанија често говорат за иднината на стратегот, последните стории велат дека Аргентинецот на своите блиски соработници им пренел дека летоска ќе замине од Барса.
 
Вечерва во емисијата Esport 3, на каналот TV3, кој е близок до ’Каталонците, беше пренесено дека Тата Мартино е сериозен кандидат за кормилото на ’Гаучосите’ по крајот на мундијалот во Бразил
 
Сепак, ’Каталонците’ веднаш ги демантираат ваквите стории.
 
Потпретседателот Манел Аројо, зборувајќи вечерва по средбата на бордот на директори рече: „Ваквата сторија е новост и за нас, дознавме пред неколку минути. Но се оградуваме од неа“.
 
„Тата е под договор со нас, и тој е фокусиран само на она што ни претстои во оваа важна недела”.
 
„Го прашаваме, и тој експресно ја негираше сторијата. Не разговарал со никого, ниту со неговиот персонал, па нема вистина во гласините”.
 
„Точно е дека има клаузула во неговиот договор, но не постои намера таа да биде искористена”.

Извор: 24FUDBAL.com.mk