Останато | Тимот од Санкт Петербург соопшти дека Андре Вилаш Боаш е именуван за нов тренер, Португалецот се обврза кон Зенит до 2016...
По серијата лоши резултати, управата на Зенит минатата недела му врачи отказ на Лучијано Спалети, и ја прекина четиригодишната соработка со стратегот од Италија.
Лидерите на клубот веднаш пронајдоа замена, тимот од Санкт Петербург се договори со Андре Вилаш Боаш, кој во декември минатата година доби отказ од Тотенхем.
Португалецот во четврток ќе стави потпис на договорот, според кој ќе го предводи Зенит се до крајот на сезоната 2015/16.
„Зенит постигна договор со новиот тренер Андре Вилаш Боаш” – гласеше известувањето на вице-шампионот на Русија.
„На 20. март тој ќе стави потпис на документите, а тогаш ќе биде презентиран и пред медиумите”.
„Договорот стапува на сила од март 2014, и ќе биде валиден за две сезони (2014/15, 2015/16)”.
Извор: 24FUDBAL.com.mk
