Лига на Шампиони | Роберто Манчини верува дека Галатасарај може да го изненади Челзи на Стемфорд Бриџ и да се пласира во 1/4 финалето од Лигата на Шампионите...



По отпуштањето од Манчестер Сити, Роберто Манчини за прв пат се враќа во Англија.
 
Галатасарај одигра добар натпревар против Челзи во Истанбул кој заврши 1:1, па турскиот шампион мора да ја затресе мрежата на Чех за да се надева на успех.
 
„Извршив навистина добра работа во Манчестер Сити. Среќен сум што повторно сум во Англија и тоа во натпревар од Лигата на Шампионите" - вели Манчини.
 
„Направивме чудо во групата бидејќи беше навистина тешко да се помине таа група".
 
„Челзи има мала предност. Не знам дали ќе биде доволно да постигнеме само еден гол, ќе видиме".
 
„Тие се многу добар тим, еден од најдобрите во Европа, но во фудбалот никогаш не се знае".

Извор: 24FUDBAL.com.mk