Германија | Мајнц соопшти дека капитенот Николче Новески добил нов едногодишен договор, дефанзивецот останува на Кофас Арена до 2015...



Претходниот догвор на репрезентативецот на Македонија истекуваше на 30. јуни, но од таборот на Мајнц постојано велеа дека искусниот централен дефанзивец ќе остане.
 
Тимот од Кофас Арената сега соопшти дека е продолжена соработката со 34 годишниот Николче Новески, фудбалерот и следната сезона ќе го носи дресот на Мајнц.
 
„Мајнц го продолжи договорот на Николче Новески, тој останува во клубот до јуни 2015” – гласеше соопштението на Мајнц.
 
Николче Новески, кој е во Мајнц од 2004, има одиграно 237 натпревари во Бундеслигата, со што е клупски рекордер. Зад своето име има и уште 60 настапи во втората лига.
 
Од таборот на Мајнц исто така пренесоа дека едногодишен договор добил и голманот Лорис Кариус.

Извор: 24FUDBAL.com.mk